Текст песни Азамат Биштов - ХьапакIэм иорэд

ХьэпакIэм къызищагъагъэ гущэми,
Джэгушхор пчэгушъхьэм тети.
Чэщыгум тыгъужъыр къакIо гущэри,
Чэмыжъыр ашIуишхыжьыгъи.

ХьэпакIэм ихьэкъэритIу гущэхэм,
Чылэ гъунэм къыщызэрэшхы.
Дэхэнагъом ынэгушъхьитIу гущэри,
ХьэпакIэм тыришхыкIигъи.

ХьэпакIэм ишыкъэрэжъы гущэми,
Ыуасэри чапычыщи.
Минищыр зыуасэ пшъашъэ гущэри,
ХьэпакIэм ашIуигъэунэхъугъи.

ХьэпакIэм итыжьын къамэ гущэри,
Лъэгуаджэм щызэпэлыды.
Яжьэми къыхэлыдыкIы гущэри,
ХьэпакIэм ишIулъэгъуныгъи.